Gürcüstanda seçkilərin mükəmməl keçirilmədiyi barədə fikir yayılmışdı, bu, həqiqətən belə deyil – bu barədə Fransadan olan beynəlxalq müşahidəçi Alen Jan Mari Avril deyib.

O bildirib ki, müxtəlif siyasi partiyaların nümayəndələri seçki məntəqələrindədir və onlar gedən prosesdən razılıqlarını bildirirlər.

“Bu, gəldiyimiz beşinci seçki məntəqəsidir və düşünürəm ki, daha beş məntəqəyə gedəcəyik. O, yaxşı təşkil olunub. Mən Fransadanam və bizdə belə inkişaf etmiş nəzarət sistemləri yoxdur. Biz hamımız fərqli ölkələrdən gəlmişik və ölkəniz haqqında yenilikləri dinləyirdik. Hər seçki məntəqəsində müxtəlif partiyaların nümayəndələri var. Onlara seçkilərdən razı olub-olmadıqlarını və prosesin tam şəkildə həyata keçirilib-keçirilmədiyini soruşdum. Hamısı “bəli” cavabını verdi. Onların təşkilatçılıqla bağlı şərhi yox idi. Çox qəribədir, müxtəlif siyasi partiyaların nümayəndələrinə belə suallar verəndə mənfi heç nə demirlər, lakin geri qayıtdıqdan sonra eşidirik ki, seçki prosesi o qədər də mükəmməl olmayıb. Bu, çox qəribədir” – Alen Jan Mari Avril bildirib.