Müsadirə edilmiş sürücülük hüququnun bərpası ilə bağlı parlamentin bürosunun dünənki iclasında qanunvericilik dəyişiklikləri qeydiyyatdan keçirilib.

Dəyişikliklər layihəsinə əsasən, inzibati hüquq pozuntusu halında, qanunu pozan şəxsə nəqliyyat vasitəsini idarəetmə hüququnu vaxtından əvvəl bərpa etməyə imkan verən normalar ləğv edilir.

Qanun layihəsində qeyd edildiyi kimi, 2025-ci ilin dekabrın 10-dək “İnzibati Xətalar Məcəlləsi”nin 116-cı və/və ya 123-cü maddələri ilə müəyyən edilən inzibati xətanı törətmiş şəxs bir dəfəlik olaraq qeyd olunan xətayı törətdiyinə görə tətbiq edilmiş inzibati cəzadan — nəqliyyat vasitəsini idarəetmə hüququnun dayandırılmasından azad ediləcək, lakin yenə də o, cəza almış şəxs hesab olunacaq.

Qanun layihəsində deyilir ki, inzibati cəzadan — nəqliyyat vasitəsini idarəetmə hüququnun dayandırılmasından — azad edilmək üçün şəxsdən müvafiq orqana və ya vəzifəli şəxsə müraciət tələb olunmur, inzibati cəzadan azad etmə 2026-cı ilin fevralın 1-dək icra ediləcək.

Layihə ilə müəyyən olunub ki, Daxili İşlər Nazirliyi şəxsin inzibati cəzadan azad edilməsi haqda Daxili İşlər Nazirliyinin rəsmi veb saytında məlumatın qanunvericiliklə müəyyən edilmiş qaydada dərc olunmasını təmin edəcək və inzibati cəzadan — nəqliyyat vasitəsini idarəetmə hüququnun dayandırılmasından — azad edilmə haqda məlumat dərc edildiyi andan şəxsin nəqliyyat vasitəsini idarəetmə hüququ bərpa olunacaq.

Keçid müddəası ilə həmçinin müəyyən olunacaq ki, 2025-ci ilin dekabrın 10-dək Gürcüstanın İnzibati Xətalar Məcəlləsinin 45-ci, 451 və/və ya 1152-ci maddələri ilə müəyyən edilən inzibati xətanı törətmiş şəxs bir dəfəlik olaraq qeyd olunan xətayı törətdiyinə görə tətbiq edilmiş inzibati cəzadan — nəqliyyat vasitəsini idarəetmə hüququnun dayandırılmasını nəzərdə tutan cəzadan — azad ediləcək.

Yuxarıda qeyd olunan halda, şəxs dayandırılmış nəqliyyat vasitəsini idarəetmə hüququnun bərpası üçün Xidmət Agentliyinə müraciət edir. Bu halda, nəqliyyat vasitəsini idarəetmə hüququ dövlət ekspert müəssisəsi tərəfindən verilmiş məhkəmə-tibbi ekspertizası (dinamik narkoloji müayinə) rəyi təqdim edildikdən və qanunvericiliklə müəyyən edilən tələblər yerinə yetirildikdən sonra bərpa edilə bilər.

Bundan başqa, keçid müddəası ilə müəyyən ediləcək ki, sürücülük vəsiqəsi üçün verilən balların sayının tükənməsinə görə, 2025-ci ilin dekabrın 10-dək “Yol Hərəkəti Haqqında” Qanuna uyğun olaraq nəqliyyat vasitəsini idarəetmə hüququ dayandırılmış şəxsə nəqliyyat vasitəsini idarəetmə hüququ 2026-cı ilin yanvarın 1-dən bərpa ediləcək və sürücülük vəsiqəsinə yenidən 100 bal veriləcək.

İdarəetmə hüququnun bərpası və sürücülük vəsiqəsinə 100 bal verilməsi üçün şəxsdən inzibati xəta işinə baxmaq səlahiyyətinə malik müvafiq orqana və/və ya vəzifəli şəxsə müraciət tələb olunmur.

Qanun layihəsində dəqiqləşdirilib ki, qanunvericiliklə nəzərdə tutulmuş inzibati xəta işinə baxmaq səlahiyyətinə malik müvafiq orqanın və ya vəzifəli şəxsin 2026-cı ilin yanvarın 1- üçün idarəetmə hüququnun bərpasını və sürücülük vəsiqəsinə 100 balın verilməsini təmin etməsi tələb olunur.

Qanun layihəsində neçə nəfərin idarəetmə hüququnun dayandırıldığı barədə statistika da təqdim olunur.

“Mövcud statistik məlumatlara əsasən, bu günə olan vəziyyətə görə ümumilikdə 35 445 idarəetmə hüququ dayandırılıb, o cümlədən: 18 310 alkoqol sərxoşluğu əsasında; 1 234 yol-nəqliyyat hadisəsi törədib hadisə yerini tərk etdiyinə görə; 3 504 narkotik maddə istifadəsinə görə; 781 balların tükənməsinə görə; 327 cinayət törətməyə görə çıxarılan hökm əsasında; 11 389 digər səbəblərə görə, o cümlədən əvvəlki inzibati cəriməni ödəmədiyinə görə” – layihədə deyilir.