Amerikanın Müharibənin Tədqiqi İnstitutunun (ISW) bəyanatına əsasən, Ukraynanın Vladimer Putinin iqamətgahına hücum etdiyinə dair dəlil yoxdur.

Platformanın analitiklərinin izahatına əsasən, oxşar “hücum” haqda təsdiqlənmiş dəlillər yoxdur. Bununla yanaşı, obyekt yaxınlığında açıq mənbələrdə geolokasiyalı videolar, partlayışların, yanğınların və ya tüstünün görüntüləri yoxdur.

İnstitutun analitikləri xüsusilə qeyd edirlər ki, Ukrayna qüvvələri Novqorod bölgəsində hərbi hədəflərə zərbələr endiriblər və bu hücumlar təsdiqlənib. Onların sözlərinə əsasən, Rusiya tərəfi Putinin iqamətgahının dekabrın 29-da bombalandığı barədə nəzəriyyəni təsdiqləyən heç bir sübut təqdim etməyib.

“ISW Putinin iqamətgahının yaxınlığında Ukraynanın hava zərbələri ilə bağlı Lavrovun iddiasını təsdiqləyən oxşar video materiala, eləcə də yerli və ya regional reportaja rast gəlməyib. Lavrovun Novqorod vilayətində 89 Ukrayna dronunun vurulması haqda iddiası da Rusiya Müdafiə Nazirliyinin rus qüvvələrinin 28–29 dekabr gecəsi vilayətdə 47 Ukrayna dronunu vurduqları barədə iddiası ilə ziddiyyət təşkil edir, bu isə bu iddianı daha da möhkəmləndirir. Ukrayna qüvvələri daha əvvəl Novqorod vilayətində bir sıra hərbi hədəflərə zərbələr endirib və bu hücumlar sübutlarla təsdiqlənib. Kreml Ukrayna qüvvələrinin dekabrın 29-da Putinin iqamətgahını bombalamasını təsdiqləyən heç bir dəlil təqdim etməyib” – bəyanatda deyilir.

Məlumat üçün bildirək ki, Rusiyanın xarici işlər naziri Serqey Lavrovun bəyanatına əsasən, dekabrın 28-29-da Kiyev Vladimer Putinin dövlət iqamətgahına 91 pilotsuz uçuş aparatı ilə hücum etməyə cəhd edib. Bununla yanaşı, ABŞ Prezidenti Donald Tramp Rusiya Prezidentinin iqamətgahına edilən mümkün hücum barədə Vladimer Putindən öyrəndiyini bildirib – “Bu, yaxşı deyil, onun evinə hücum etmək tamamilə başqa şeydir”.