Rusiya ordusu ehtimal ki, Pokrovsk və Mirnoqradı ələ keçirəcək, lakin bu çox baha başa gələcək – bu haqda Müharibənin Tədqiqi İnstitutu yazır.

“Rusiyanın hərbi komandanlığı eyni vaxtda bir neçə hücum hərbi əməliyyatı keçirmək qərarını verib. Xüsusilə, Xarkovun şimal bölgəsində Vovçansk və Veliki Burluk istiqamətində; Xarkovun şərq bölgəsində Kupyansk istiqamətində; Donetsk vilayətində qala kəmərinin şimal-şərqində Siversk istiqamətində; Donetsk, Dnepropetrovsk və Zaporojie vilayətlərinin sərhədində Veliki Mixailovka istiqamətində; Zaporojienin şərq bölgəsində Huliaipole istiqamətində” – platformanın analitikləri bildirirlər.

Müharibənin Tədqiqi İnstitutunun məlumatına əsasən, rus qüvvələri, ehtimal ki, guya Rusiya ordusunun bütün döyüş meydanında əhəmiyyətli uğurlar əldə etdiyi təəssüratını qoruyub saxlamağa çalışırlar, bu isə cəbhədəki reallıqla ziddiyyət təşkil edir.

Ukrayna Silahlı Qüvvələri Rusiyanın ötən gecə Ukraynaya 121 dronla hücum etməsi haqda məlumat verir. Bununla yanaşı, Ukrayna Baş Qərargahının məlumatına əsasən, ötən sutka ərzində cəbhədə 217 hərbi toqquşma baş verib, onlardan üçdə birindən çoxu yalnız Pokrovsk istiqamətində qeydə alınıb. Onların məlumatına əsasən, son 24 saat ərzində Rusiya Ukraynaya qarşı müharibədə daha 1000 hərbi qulluqçusunu itirib və müharibənin başlamasından bu yana Rusiyanın itkiləri 1 154 000-i aşıb.