“Müharibənin Tədqiqi İnstitutu” – Estoniya ilə sərhəd yaxınlığında Rusiya tərəfindən dırnaqarası yaşıl kişilərin görünməsi, mümkün gələcək müharibə üçün informasiya və psixoloji zəminin formalaşdırılmasına işarə edir
A pro-Russian soldier flashes a victory sign while marching near a Ukrainian army base in Perevalne, Crimea, Wednesday, March 19, 2014. Crimea's self-defense forces on Wednesday stormed the Ukrainian navy headquarters in the Black Sea port of Sevastopol, taking possession without resistance a day after Russia signed a treaty with local authorities to annex the region.(AP Photo/Vadim Ghirda)
Estoniya ilə sərhəd yaxınlığında Rusiya tərəfindən dırnaqarası yaşıl kişilərin görünməsi, mümkün gələcək müharibə üçün informasiya və psixoloji zəminin formalaşdırılmasına işarə edir – bu barədə “Müharibənin Tədqiqi İnstitutu”nun hesabatında qeyd olunub.
Məruzəyə əsasən, Rusiya NATO ilə “Sıfır Faza” adı ilə bilinən potensial münaqişəyə hazırlığın yeni mərhələsinə başlayıb.
Oktyabrın 10-da sərhədçilər nişansız rus hərbi qulluqçularının kiçik bir qrupunu gördükdən sonra Estoniya hökuməti sərhədə yaxın yolu müvəqqəti olaraq bağladı. Cənubi Estoniya prefekturasının qubernatoru Meelis Saarepuu onların rus sərhədçiləri olmadığını izah edib. Estoniyanın xarici işlər naziri Marqus Tsahkna oktyabrın 12-də qeyd edib ki, Rusiya qoşunları “əvvəlkilərdən daha qətiyyətli və görünən şəkildə hərəkət edirlər”. Həmçinin, hökumət gələcəkdə yolun bu hissəsini tamamilə bağlamağı planlaşdırır, çünki Rusiya ərazisindən yan keçən alternativ marşrutlar tikilir.
İnstitutun hesabatında qeyd olunub ki, bu, rus dırnaqarası yaşıl kişilərin NATO üzvü olan ölkənin yaxınlığında müşahidə edilməsinin ilk halıdır.