Mtsxetada Kür çayının səviyyəsi üç gün ərzində təbii göstəricisinə qayıdacaq

Mtsxetada Kür çayının səviyyəsi üç gün ərzində təbii göstəricisinə qayıdacaq

İyulun 14-dən 16-dək “EP Georgia Generation” ASC ZAHES su anbarında planlı işlər həyata keçirəcək.

Plan üzrə hidroelektrik stansiyanın su anbarının təmizlənməsi nəzərdə tutulur. İşlərin məqsədi su anbarının faydalı həcmini qorumaq, eləcə də yığılan tullantıların təmizlənməsi və ərazidən çıxarılmasıdır.

Məlumatı “EP Georgia Generation” ASC yayıb.

Şirkətin məlumatına görə, işlər qanunvericiliklə müəyyən edilmiş ekoloji normalara və təhlükəsizlik tələblərinə uyğun şəkildə həyata keçiriləcək.

“Su anbarının təmizlənməsi işləri üç gün davam edəcək. Bu müddət ərzində ZAHES-in fəaliyyəti üç gün müddətinə dayandırılacaq. Nəticədə Mtsxetada Kür çayının məcrasında suyun səviyyəsi azalacaq və təbii göstəricisinə qayıdacaq.

“EP Georgia Generation” ASC şirkətə məxsus su elektrik stansiyalarının su anbarlarında təmizləmə işlərini hər il həyata keçirir. Bu tədbirlər hidroelektrik stansiyaların səmərəli fəaliyyətinə kömək edir”, – deyə məlumatda bildirilib.