Mərkəzi Seçki Komissiyasının bəyanatına əsasən, Seçki Administrasiyasının dırnaqarası saxta və şübhəli səhifələrlə heç bir əlaqəsi yoxdur, keçmişdə də olmayıb və gələcəkdə də öz fəaliyyətində belə vicdansız mexanizmləri nəzərə almayacaq.

MSK-nın məlumatına əsasən, “Ədalətli Seçkilər” tərəfindən dərc olunmuş dırnaqarası tədqiqat onun istənilən forma və vasitə ilə Seçki Administrasiyasının nüfuzuna ziyan vurulmasında maraqlı olduğunu göstərir.

“Dünən sosial şəbəkələrdə və media vasitələrində “Ədalətli Seçkilər” təşkilatının Seçki Administrasiyasının xeyrinə kampaniyada iştirak edən saxta və ya şübhəli sosial media səhifələri ilə bağlı dırnaqarası tədqiqatı yayıldı. Yeddi saxta və 15 şübhəli səhifədən bəhs olunan dırnaqarası tədqiqatın “miqyası”nı bir kənara qoyaq, bu tədqiqatın Seçki Administrasiyasında seçki mübahisələrinə baxılması ilə bağlı ən mühüm prosesin getdiyi bir vaxtda dərc olunması təşkilatın əsl məqsədini şübhə altına alır və onun istənilən forma və vasitə ilə Seçki Administrasiyasının nüfuzuna ziyan vurulmasında maraqlı olduğunu açıq şəkildə göstərir. Bu halda da, maraqlı tərəflər bu hesabatdan sanki bütün bunların arxasında Seçki Administrasiyası dayanırmış kimi istifadə etdilər.

Gürcüstanın Seçki Administrasiyası birmənalı olaraq bəyan edir ki, dırnaqarası saxta və şübhəli səhifələrlə heç bir əlaqəsi yoxdur, keçmişdə də olmayıb və gələcəkdə də öz fəaliyyətində belə vicdansız mexanizmləri nəzərə almayacaq.

Ədalət naminə yaxşı olardı ki, təşkilat eyni hesabatda Seçki Administrasiyasına qarşı xüsusilə 2020-ci ildən, onlar tərəfindən səhv hesablanmış paralel hesablamanın nəticələrinin elan edilməsi ilə başlayan saxta və şübhəli səhifələrin şübhəsiz təsdiqlənmiş mütəşəkkil hücumları ilə bağlı faktları göstərəydi.

“Ədalətli Seçkilər” təşkilatı 2020-ci ildə paralel hesablamanın səhv nəticələrini dərc etdikdən sonra 2024-cü ildə 26 oktyabr seçkilərinin nəticələrinin düzgünlüyünün birmənalı şəkildə təsdiqlənəcəyi paralel hesablamanın nəticələrini dərc etmək əvəzinə, belə bir təəssürat yaranır ki, bu günə qədər onlar cəmiyyətdə yanlış təsəvvürlər səpməyə və bununla öz hərəkətlərinə və ya hərəkətsizliyinə haqq qazandırmağa çalışırlar.

Bununla yanaşı, sözügedən təşkilatın MSK ilə yerli monitorinq təşkilatları arasında imzalanmış davranış kodeksini son illərdə ilk dəfə niyə imzalamadığı aydın olur. Üstəlik, sözügedən məcəllənin işlənilib hazırlanmasının iştirakçılarından və təşəbbüskarlarından biri özü olub.

Seçkilərin bütövlüyünü təmin etmək məqsədilə beynəlxalq yaxşı təcrübə nəzərə alınmaqla qərəzsiz və obyektiv müşahidə aparılması Seçki Administrasiyası üçün vacibdir. Müvafiq olaraq, biz “Ədalətli Seçkilər”i vicdanlı müşahidə standartına qayıtmağa və yüksək etik prinsiplərə əməl etməklə hərəkət etməyə çağırırıq” – MSK-nın bəyanatında deyilir.