Mövcud məlumata görə, keçmiş müdafiə naziri Mindiya Canelidze David Qareci işi üzrə sorğu olunanlar siyahısındadır
Mövcud məlumata görə, keçmiş müdafiə naziri Mindiya Canelidze David Qareci işi üzrə sorğu olunanlar siyahısındadır

Mövcud məlumata görə, keçmiş müdafiə naziri, dövlət təhlükəsizlik və böhranların idarəsi şurasının keçmiş katibi, Mindiya Canelidze David Qareci işi üzrə sorğu olunanlar siyahısındadır.

Onun verdiyi ifadə barəsində hələlik məlumat yoxdur.

Gürcüstanın Birinci Kanalı şərh üçün keçmiş nazirlə əlaqə saxladı. Mindiya Canelidzenin bəyan etdiyinə görə, “bu məsələ barəsində şərh vermir”.

Bununla yanaşı dünən məlum oldu ki, David Qareci işi üzrə cari istintaq çərçivəsində, Gürcüstanın keçmiş baş naziri, Zurab Noğaideli və Xarici İşlər nazirinin keçmiş müavini, Mixeil Mancqaladze sorğu edildi.

David Qareci işi üzrə Prokurorluq Xarici İşlər Nazirliyinin əməkdaşı, İveri Melaşvilini və Daxili İşlər Nazirliyinin əməkdaşı, Natliya İliçovanı 7 oktyabrda yaxaladı. Prokurorluqda bəyan etdiklərinə görə, istintaqa başlmağa əsas Gürcüstan Müdafiə Nazirliyindən daxil olan yazılı məlumat oldu. Məlumata əsasən, illər ərzində Xarici İşlər Nazirliyi yanında mövcud olan dövlət sərhədinin delimitasiya-demarkasiya komissiyası ekspertləri tərəfindən, dövlət sərhədinin razılaşdırlması zamanı, daimi olaraq relevant sənədlərin inkarı və onları yan keçərək Gürcüstana qarşı qərarların qəbul edilməsi baş verirdi. Tbilisi Şəhər Məhkəməsi İveri Melaşvili və Natliya İliçova qarşı həbs qətimkan tədbirini seçdi.