Bu seçkilərin azad və ədalətli olmadığına dair əlimizdə hər cür dəlil var. İndi beynəlxalq ictimaiyyətin təfərrüatlarla tanış olması, Gürcüstan hakimiyyətini təfərrüatları ictimailəşdirməyə məcbur etməyimiz vacibdir – bu haqda Avropa Parlamentinin üzvü Miriam Leksman deyib.

O, indi 26 oktyabr seçkilərinin nəticələrini tanımağın imkansız olduğunu bildirib.

“Ona qədər isə bizim bu seçkilərin nəticələrini tanımağımız imkansızdır. İndi ən önəmlisi fərdi sanksiyalardır, biz Gürcüstanda saxtalaşdırmada iştirak edən hər kəsi cəzalandıra bilmərik. Bu səbəbdən bu saxtalaşdırmaya görə məsuliyyət daşıyan bəzi şəxslərə sanksiya tətbiq etməyimiz mühümdür. Təəssüf ki, biz bilirik ki, Demokratik Təsisatlar və İnsan Hüquqları Bürosu azad və ədalətli seçkilərdə maraqlı olmayan rejimlərin təsiri altındadır. Bu səbəbdən biz bu rejimlərin təsirindən azad olacaq və ədalətli nəticələr verəcək istintaq vasitələri tapmalıyıq və bu seçkilərin saxtalaşdırıldığı sübut olunarsa, sonra bunun nəticələri haqda düşünməliyik” – Leksman “Mtavari Arxi”yə bildirib.