Milli Statistika Xidməti – 2025-ci ildə Gürcüstana yatırılan birbaşa xarici investisiyaların həcmi 19.3 faiz artıb

Milli Statistika Xidmətinin dəqiqləşdirilmiş məlumatlarına əsasən, 2025-ci ildə Gürcüstana yatırılan birbaşa xarici investisiyaların həcmi 1 900.4 milyon ABŞ dolları təşkil edib, bu da 2024-cü ilin müvafiq göstəricisindən 19.3 faiz, 2025-ci ilin ilkin göstəricilərindən isə 12.5 faiz çoxdur.

Milli Statistika Xidmətinin məlumatına əsasən, 2025-ci ildə təkrar investisiyanın payı ümumi birbaşa xarici investisiyaların 82.5 faizini təşkil edib. Bununla yanaşı, qurumun hesabatına əsasən, 2025-ci ilin dəqiqləşdirilmiş göstəricilərinə əsasən, üç ən böyük investor ölkənin birbaşa xarici investisiyaların ümumi həcmindəki payı 44.4 faiz təşkil edib. Birinci yerdə 22.4 faizlə – 426.6 milyon ABŞ dolları ilə Böyük Britaniya, ikinci yerdə 11.3 faizlə – 214.4 milyon ABŞ dolları ilə Azərbaycan, üçüncü yerdə isə 10.6 faizlə – 202.4 milyon ABŞ dolları ilə Türkiyə qərarlaşıb.

2025-ci ildə üç ən böyük sektorun payı (qoyulmuş birbaşa xarici investisiyalara əsasən) 56.8 faiz təşkil edib. Ən çox birbaşa xarici investisiya maliyyə və sığorta fəaliyyəti sektoruna yatırılıb və 633.2 milyon ABŞ dolları təşkil edib, bu da birbaşa xarici investisiyaların ümumi həcminin 33.3 faizidir. İkinci yeri 254.7 milyon ABŞ dolları (13.4 faiz) ilə daşınmaz əmlak sektoru, üçüncü yeri isə 191.1 milyon ABŞ dolları (10,1 faiz) ilə ticarət sektoru tutub.