Milli Qida Agentliyi Çakvidə baytarlıq aptekində istifadə müddəti bitmiş dərmanlar aşkar edib

Planlı yoxlama zamanı Acara Departamentinin müfəttişləri Daba Çakvidə, fərdi sahibkar E.K.-ya məxsus baytarlıq aptekində (Ünvan: Çakvi, Tamar Mepe küçəsi №34) istifadə müddəti bitmiş dərmanlar aşkar ediblər. Bu barədə məlumatı Milli Qida Agentliyi yayır.

Qurumun məlumatına əsasən, antiseptik və iltihabəleyhinə vasitə olan pixta məlhəmi, mikrobəleyhinə və dezinfeksiyaedici “İodozef” məhlulu və antiparazitar inyeksiya üçün məhlul “Prius” götürülüb.

“İstifadə müddəti bitmiş dərmanlar agentliyin nəzarəti altında məhv ediləcək.

Ev heyvanlarının sağlamlığını qorumaq məqsədilə Milli Qida Agentliyi ölkə miqyasında baytarlıq klinikalarına və apteklərinə nəzarət etməyə davam edir. Milli Qida Agentliyi biznes operatorlarını fəaliyyətlərini qanunvericiliyin tələblərinə uyğun qurmağa, dərmanların satış müddətlərinə və saxlanma şəraitinə əməl etməyə çağırır” – Milli Qida Agentliyi tərəfindən yayılmış məlumatda deyilir.