Milli Meşə Agentliyinin əməkdaşları sentyabrda 37 qanun pozuntusu faktını aşkarlayıblar

Milli Meşə Agentliyinin əməkdaşları cari ilin sentyabrında 37 qanun pozuntusu faktını aşkarlayıblar. Bu barədə məlumatı Milli Meşə Agentliyi yayır.

Agentliyin məlumatına əsasən, aşkar edilmiş qanun pozuntularından 37 fakt ağac-meşə materiallarının qanunsuz əldə edilməsi və daşınması ilə bağlıdır.

“Qanunsuz yolla əldə edilmiş müxtəlif növ 116 kubmetrə qədər ağac-meşə materialı müsadirə olunaraq agentliyin “fəaliyyət həyətləri”nə yerləşdirilib.

Ölkə miqyasında ağac-meşə materiallarının qanunsuz əldə edilməsi ilə bağlı aşkar edilmiş 37 faktdan 2-si İmeretinin Meşə Xidmətinin əməkdaşları tərəfindən, 8-i Samtsxe-Cavaxeti, 8-i Quria, 12-si Kvemo Kartli, 5-i Kaxeti və 2-si isə Şida Kartlinin Meşə Xidmətinin əməkdaşları tərəfindən aşkar edilib.

Qeyd etmək lazımdır ki, 2025-ci ilin yanvar-sentyabr aylarında ümumilikdə ölkə miqyasında ağac-meşə materiallarının qanunsuz əldə edilməsi ilə bağlı 455 fakt aşkar edilib; “fəaliyyət həyətləri”nə yerləşdirilən ehtiyatların həcmi 1209 kubmetr təşkil edib.

Milli Meşə Agentliyinin əməkdaşları tərəfindən 2025-ci ilin yanvar ayından bu günə qədər ölkə miqyasında Dövlət Meşə Fondunun özbaşına zəbt edilməsinin 54 faktı aşkar edilib” – Milli Meşə Agentliyinin yaydığı məlumatda deyilir.