Ətraf Mühitin Mühafizəsi və Kənd Təsərrüfatı Nazirliyinin Milli Meşə Agentliyinin regional meşə xidmətlərinin əməkdaşları cari ildə 877 qanun pozuntusu faktı aşkar ediblər. Bu haqda məlumatı Milli Meşə Agentliyi yayır.

Onların məlumatına əsasən, il ərzində taxta-şalbanın qanunsuz əldə edilməsi və daşınması ilə bağlı 773 fakt aşkar edilib, qeydiyyatsız mişarxanalar onların arasındadır, “işgüzar həyətlərə” yığılan resursun həcmi 1706 kubmetr təşkil edib.

Agentlikdə bəyan etdikləri kimi, regional meşə xidmətlərinin əməkdaşları tərəfindən həmçinin dövlət meşə fondunun özbaşına zəbt edilməsi ilə bağlı 101 və müxtəlif inzibati qanun pozuntusu ilə bağlı 3 fakt aşkarlanıb.

“Aşkarlanmış qanun pozuntuları arasında 31 fakt cinayət əlamətləri daşıyır. Qanun pozuntusunun aşkar edilməsi məqsədilə monitorinqi patrul xidməti ilə yanaşı müasir texnologiyalar vasitəsilə də həyata keçiririk. Cari ildə taxta-şalbanın qanunsuz əldə edilməsi və daşınması faktlarına görə qanunvericilik sərtləşdirilib. Bu istiqamətdə işi gələcəkdə də fəal şəkildə davam etdirəcəyik” – Milli Meşə Agentliyinin rəhbəri Kaxa Tsertsvadze bildirib.