Həbs “Lelo Gürcüstan”ın hesablarındakı ümumi məbləğlərə deyil, yalnız icra vərəqəsi ilə müəyyən edilmiş məbləğə şamil edilir, bu da 1500 larini keçmir – bu barədə Milli İcra Bürosunun bəyanatında deyilir.

Bəyanata əsasən, icra məmurlarının bütün hərəkətləri ədalətlilik prinsipinə əməl edilməsi və səmərəli icranın həyata keçirilməsi məqsədi ilə şərtlənir.

“Yüksək ictimai maraqdan irəli gələrək, izah edirik ki, “Lelo Gürcüstan”a qarşı məhkəmə tərəfindən verilmiş icra vərəqəsi əsasında məcburi icra prosesi aparılır. Dövlət rüsumu və inzibati cərimə icra olunmalı öhdəlikdir. Qeyd edilməlidir ki, həbs bütün hesablardakı məbləğlərə deyil, yalnız icra vərəqəsi ilə müəyyən edilmiş məbləğə şamil edilir, bu da 1500 larini keçmir. Milli İcra Bürosu “İcra icraatı haqqında” Gürcüstan qanununa uyğun şəkildə hərəkət edir və icra məmurlarının bütün hərəkətləri ədalətlilik prinsipinə əməl edilməsi və səmərəli icranın həyata keçirilməsi məqsədi ilə şərtlənir” – bəyanatda deyilir.

Bu gün “Lelo – Güclü Gürcüstan”da bəyan ediblər ki, Milli İcra Bürosu partiyanın hesablarına həbs qoyub.