“Milli Hərəkat”ın müvəqqəti idarəedici şurasının sədri İrakli Pavlenişvili olacaq, İslahatlar Şurasının sədri – Mixeil Saakaşvili, icraçı katib isə – Nanuka Jorjoliani

İrakli Pavlenişvili “Vahid Milli Hərəkat”ın müvəqqəti idarəedici şurasının sədri olacaq, İslahatlar Şurasının sədri Mixeil Saakaşvili olacaq, icraçı katib isə – Nanuka Jorjoliani, – bu barədə qərar “Milli Hərəkat”ın 13-cü qurultayında qəbul edilib.

“Milli Hərəkat”ın üzvü Levan Bejaşvilinin qurultaydan sonra jurnalistlərə dediyi kimi, partiyanın sədri, baş katib vəzifələri ləğv edilib və idarəedici şura şəklində kollegial idarəetmə orqanı yaradılıb.

“İdarəedici şuranın tərkibi doqquz üzvdən çox olmamaq şərti ilə müəyyən edilib. Qurultayda Siyasi Şuranın azı 15 üzvü tərəfindən bu idarəedici şuraya müxtəlif namizədlər təqdim olunmuşdu. Doqquz üzv təqdim edilmişdi, lakin Tina Bokuçava idarəedici şurada fəaliyyət göstərməkdən imtina etdi və Siyasi Şuranın sıravi üzvü olaraq qaldı. Bu mərhələdə idarəedici şuranın tərkibi səkkiz üzvlə müəyyən olunub: Petre Tsiskarişvili, İrakli Pavlenişvili, Ani Tsitlidze, Qiorqi Çaladze, Laşa Parulava, Qiorqi Botkoveli, Levan Bejaşvili” – Bejaşvili bildirib.

Onun sözlərinə əsasən, Nanuka Jorjoliani hələlik partiyanın üzvü deyil və partiyanın idarəedici orqanlarında da iştirak etmir.

“Konsepsiya ondan ibarətdir ki, partiyadan kənar İslahatlar Şurası yaradılsın və burada qeyri-partiya tərkibli mütəxəssislər, tərəfdarlar İslahatlar Şurasının fəaliyyətində iştirak etsinlər. İrakli Pavlenişvili idarəedici şuranın sədri seçildi. Əvvəlki nizamnaməyə əsasən partiya sədrinə və baş katibə aid olan bütün səlahiyyətlər idarəedici şuranın səlahiyyətinə daxildir. Bu səlahiyyətlər birləşdirildi və onları idarəedici şuranın kollegial orqanı vahid şəkildə icra edəcək” – Levan Bejaşvili bildirib.