“Milli Hərəkat”da bildirirlər ki, onlarda olan məlumata görə Levan Varşalomidzeni Qazaxıstanda hava limanı vasitəsi ilə sərhədi keçərkən saxlayıblar.

“Milli Hərəkat”ın üzvü Levan Bejaşvili bildirib ki, məsələ ehtimal ki, Varşalomidzenin Ukrayna hakimiyyəti ilə siyasi məsləhətçilik fəaliyyəti ilə bağlı cinayət işi ilə əlaqədar Rusiyadan göndərilən məlumatla bağlıdır. Levan Bejaşvili Rusiyanın qaldırdığı cinayət işinin heç bir əsasının olmadığını deyir.

“Bizdə olan məlumata görə, Levan Varşalomidzeni Qazaxıstanda hava limanı vasitəsilə sərhədi keçərkən saxlayıblar. Ehtimal ki, ilkin məlumata görə, məsələ Levan Varşalomidzeyə aid olan və onun Ukrayna hakimiyyəti ilə siyasi məsləhətçilik fəaliyyəti ilə bağlı cinayət işi ilə əlaqədar Rusiya Federasiyasından göndərilmiş məlumata aiddir. Ekstradisiya təhlükəsi var, ona görə də indi, indiki məqamda həm Ukrayna hakimiyyətinin nümayəndələri, həm də Qazaxıstan hakimiyyətinin nümayəndələri ilə düzgün ünsiyyət qurmaq, real məlumat vermək və Qazaxıstan hakimiyyətinin Gürcüstan və Qazaxıstanın maraqlarına uyğun qərar qəbul etməsi üçün bütün resurslarımız cəlb olunub. Hər kəsə aydındır ki, Rusiya Federasiyasının qaldırdığı cinayət işinin heç bir əsası yoxdur və bu işin niyə başlanması başa düşüləndir. Ona görə də Levan Varşalomidzeni qanunsuz həbsdən xilas etmək üçün düzgün ünsiyyət lazımdır” – Levan Bejaşvili bildirib.