“Soplis Nobati”nin süd nümunələrində aflatoksin aşkar edilib – bu haqda Milli Qida Agentliyi tərəfindən yayılan bəyanatda deyilir.

“Milli Qida Agentliyinin Tbilisi Şəhər Xidmətinin müfəttişləri martın 28-də MMC “Wimm Bill Dann Georgia”da (identifikasiya kodu 204546553 (Soplis Nobati) dövlət yoxlaması aparıblar.

Təftiş nəticəsində müəssisədə kritik uyğunsuzluq aşkar edilməyib, lakin qida haqqında məlumatın təqdim edilməsi qaydasının pozulması qeydə alınıb, buna görə də biznes operatoru qida/heyvan qidasının təhlükəsizliyi, baytarlıq və bitki mühafizəsi məcəlləsinə uyğun olaraq cərimələnib.

Bundan başqa, MMC “Wimm Bill Dann Georgia”ya Azərbaycanda istehsal olunan südün beş nümunəsinin götürülməsi (bunlardan biri uşaq qidası üçün nəzərdə tutulub) və aflatoksin M1-in mövcudluğu ilə bağlı yoxlama aparılması; həmçinin yanlış etiketlənmiş qidaların bazardan çıxarılması tapşırılıb.

Agentliyin nəzarəti altında toplanmış nümunələr akkreditə olunmuş laboratoriyaya göndərilib.

Laboratoriya araşdırması nəticəsində beş nümunədə aflatoksin M1-in yüksək səviyyəsi aşkarlanıb. Xüsusilə:

▪️İçməli süd uşaq üçün, ultrapasterizə edilmiş – 2,5% yağlılıq – istehsal tarixi: 04.02.2025, istifadə müddəti: 03.08.2025;
▪️İçməli süd seçilmiş ultrapasterizə edilmiş, 1,5% yağlılıq – istehsal tarixi: 12.02.2025, istifadə müddəti: 11.08.2025;
▪️İçməli süd seçilmiş ultrapasterizə edilmiş, 1,5% yağlılıq – istehsal tarixi: 10.02.2025, istifadə müddəti: 09.08.2025;
▪️İçməli süd seçilmiş ultrapasterizə edilmiş, 2,5% yağlılıq – istehsal tarixi: 09.02.2025, istifadə müddəti: 08.08.2025;
▪️İçməli süd seçilmiş ultrapasterizə edilmiş, 3,2% yağlılıq – istehsal tarixi: 02.02.2025, istifadə müddəti: 01.08.2025.

MMC “Wimm Bill Dann Georgia”ya adları çəkilən ərzaq partiyalarını satış şəbəkəsindən götürmək/geri yığmaq tapşırılıb” – bəyanatda deyilir.

Milli Qida Agentliyi istifadəçiləri bu süddən istifadə etməməyə çağırır.

Agentlikdə izah etdikləri kimi, aflatoksin kif göbələklərindən əmələ gəlir. Aflatoksin B1 ilə çirklənmiş qida heyvanın orqanizminə daxil olur, oradan südə keçir və insan sağlamlığı üçün təhlükə yaradan aflatoksin M1-ə çevrilir.