Valyuta bazarında mövcud vəziyyətə uyğun olaraq, Gürcüstanın Milli Bankı beynəlxalq ehtiyatları doldurmağa davam edir.

Oktyabrda Gürcüstanın Milli Bankı “Bmatch” platformasında həyata keçirilən müdaxilələr nəticəsində valyuta ehtiyatlarını 167.4 milyon dollarla doldurub və ölkənin beynəlxalq ehtiyatlarının həcmi oktyabra olan vəziyyətə görə 5.6 milyard dolları keçib.

“Beynəlxalq valyuta ehtiyatları ölkənin makroiqtisadi sabitliyinin mühüm qarantıdır. Müvafiq olaraq, Gürcüstanın Milli Bankı hər zaman ehtiyatların doldurulmasına diqqət yetirir, bunu da bankın bəyan etdiyi siyasət təsdiqləyir. Bazar buna imkan verdikdə, Milli Bank ölkənin beynəlxalq ehtiyatlarını artırır.

Bununla yanaşı, Gürcüstanın Milli Bankı tərəfindən 2025-ci ildə həyata keçirilən valyuta müdaxilələri belə görünür: Yanvar-fevral – “Bmatch”la xalis alış həyata keçirilməyib; Mart – “Bmatch”la xalis alış 101.7 milyon ABŞ dolları; Aprel – “Bmatch”la xalis alış 266.4 milyon ABŞ dolları; May – “Bmatch”la xalis alış 245.4 milyon ABŞ dolları; İyun – “Bmatch”la xalis alış 266.0 milyon ABŞ dolları; İyul – “Bmatch”la xalis alış 416.9 milyon ABŞ dolları; Avqust –”Bmatch”la xalis alış 199.6 milyon ABŞ dolları; Sentyabr – “Bmatch”la xalis alış 100.0 milyon ABŞ dolları; Oktyabr – “Bmatch”la xalis alış 167.4 milyon ABŞ dolları” – Gürcüstanın Milli Bankı tərəfindən dərc edilmiş məlumatda deyilir.

Gürcüstanın Milli Bankı valyuta bazarında həyata keçirilən əməliyyatlar haqqında yenilənmiş məlumatları 2025-ci ilin dekabrın 25-də dərc edəcək.