Gürcüstan Milli Bankının məlumatına əsasən, banklararası kreditlər istisna olmaqla, kommersiya bankları tərəfindən verilən kreditlərin həcmi 2025-ci ilin fevralında əvvəlki ayla müqayisədə 108,11 milyon lari və ya 0,17% azalıb və fevralın sonunda 62,58 milyard lari təşkil edib.

Kreditlərin illik artımı məzənnə effekti nəzərə alınmadan 17,43% təşkil edib.

Mərkəzi Bankın məlumatına əsasən, eyni dövrdə milli valyutada verilən kreditlərin həcmi 275,56 milyon lari və ya 0,78% artıb, xarici valyutada verilən kreditlərin həcmi isə 383,66 milyon lari və ya 1,40% azalıb.

Bununla yanaşı, Mərkəzi Bankın göstəricilərinə əsasən, 2025-ci ilin fevral ayının sonu üçün kommersiya bankları rezident hüquqi şəxslərə milli valyutada 10,61 milyard lari həcmində kredit verib, bu isə əvvəlki ayla müqayisədə 0,24 faiz çoxdur, xarici valyutada isə 17,89 milyard lari, bu isə əvvəlki ayın göstəricisindən 1.42% aşağıdır.

Milli Bankın hesabatına əsasən, 2025-ci ilin fevral ayı ərzində rezident ev təsərrüfatı sektoruna verilən kreditlərin həcmi 0,39% və ya 122,98 milyon lari artıb və fevralın sonu üçün 32,06 milyard lari təşkil edib.

2025-ci ilin fevralın sonu üçün ümumi kreditlərin lariləşmə əmsalı 56.86% təşkil edib və əvvəlki ayın son vəziyyəti ilə müqayisədə 0.538 faiz bəndi artıb.