Agentlik tərəfindən bu vaxta qədər aparılmış laboratoriya tədqiqatlarına əsasən, Qara dənizin suyunun keyfiyyəti Gürcüstanın sahilinin bütün perimetrində norma daxilindədir – bu barədə Milli Ətraf Mühit Agentliyinin məlumatında deyilir.

Milli Ətraf Mühit Agentliyinin məlumatına əsasən, agentlik monitorinq sisteminin yaxşılaşdırılması üzərində işi fəal şəkildə davam etdirir.

“Milli Ətraf Mühit Agentliyi Qara dənizin suyunun keyfiyyətinin monitorinqini fasiləsiz rejimdə, hər ay 12 nöqtədə həyata keçirir. Tədqiqatlar 13 ağır metalı, neftin ümumi karbohidrogenlərini, 16 poli-aromatik karbohidrogeni, həmçinin digər fiziki-kimyəvi parametrin konsentrasiyası da daxil olmaqla, hidro-bioloji və kimyəvi parametrləri müəyyən edir. Qara dənizdən götürülmüş nümunələr analiz üçün Milli Ətraf Mühit Agentliyinin yüksək dəqiqlikli cihazlarla təchiz edilmiş və müasir standartlara tam cavab verən atmosfer havası, su və torpaq analizi üzrə akkreditə olunmuş laboratoriyasına göndərilir. Agentlik tərəfindən bu vaxta qədər aparılmış laboratoriya tədqiqatlarına əsasən, Qara dənizin suyunun keyfiyyəti Gürcüstanın sahilinin bütün perimetrində norma daxilindədir. Qeyd olunmalıdır ki, Milli Ətraf Mühit Agentliyi Avropa İttifaqının Dəniz Strategiyası Çərçivə Direktivinə uyğun olaraq monitorinq sisteminin yaxşılaşdırılması üzərində işi fəal şəkildə davam etdirir. Milli Ətraf Mühit Agentliyi tərəfindən aparılan laboratoriya tədqiqatının nəticələri agentliyin veb-səhifəsində dərc olunur” – Milli Ətraf Mühit Agentliyinin məlumatında deyilir.