Gürcüstan Prezidenti Mixeil Kavelashvili həyat yoldaşı Tamar Baqrationi və onu müşayiət edən nümayəndə heyəti ilə işgüzar səfərlə Milanda olub. Prezident burada Qış XXV Olimpiya Oyunlarının açılış mərasimində iştirak edəcək.

Prezident Administrasiyasının məlumatına görə, Milano Linate Beynəlxalq Hava Limanında Gürcüstan Prezidentinin rəsmi qarşılanma mərasimi keçirilib.

Səfər çərçivəsində Prezident Mixeil Kavelashvili Qış XXV Olimpiya Oyunlarında Gürcüstan Olimpiya nümayəndə heyəti ilə görüşəcək və fiqurlu konkisürmə üzrə komanda yarışında ölkəmizin idmançılarına azarkeşlik edəcək.

Olimpiadadan əvvəl Prezident açılış mərasimində iştirak edən digər dövlət başçıları şərəfinə İtaliya Prezidenti Serco Mattarellanın şərəfinə təşkil edilmiş nahara qatılacaq.

Gürcüstan Prezidenti həmçinin Beynəlxalq Olimpiya Komitəsinin Prezidenti Kirsti Koventrisin təşkil etdiyi naharda iştirak edəcək.

Açılış mərasiminin əsas tədbiri Milanın “San Siro” Olimpiya stadionunda keçiriləcək.

Qış Olimpiya Oyunlarında Gürcüstanı ümumilikdə səkkiz idmançı təmsil edəcək. Onlar iki növdə – fiqurlu konkisürmə və dağ-xizək idmanında yarışacaqlar.