Səhiyyə naziri Mixeil Sarcveladze Ümumdünya Səhiyyə Təşkilatının Avropa üzrə regional direktoru Hans Kluqe ilə görüşüb.

Səhiyyə Nazirliyinin məlumatına görə, tərəflər Gürcüstan ilə Ümumdünya Səhiyyə Təşkilatının Avropa Regional Ofisi arasında əməkdaşlıq məsələlərini müzakirə ediblər.

Müzakirələr səhiyyə sahəsində həyata keçirilən və planlaşdırılan islahatları, ilkin səhiyyə sisteminin gücləndirilməsini, ümumi səhiyyə proqramını, dərman vasitələrinə əlçatanlığın artırılmasını, nadir xəstəliklər üçün dərman təminatı məsələlərini və regional əməkdaşlıq istiqamətlərini əhatə edib.

Hans Kluqe Gürcüstanın səhiyyə sistemində aparılan islahatları müsbət qiymətləndirib və bildirib ki, ilkin səhiyyə xidmətlərinin gücləndirilməsi və davam edən dəyişikliklər əhaliyə keyfiyyətli xidmətlərin göstərilməsinə və sistemin dayanıqlı inkişafına mühüm töhfə verir.

Görüşdə Ümumdünya Səhiyyə Təşkilatı ilə tərəfdaşlığın əhəmiyyəti vurğulanıb və gələcəkdə əməkdaşlığın daha da dərinləşdirilməsinə hazır olunduğu bildirilib.

Görüşdə həmçinin parlamentin Səhiyyənin Mühafizəsi və Sosial Məsələlər Komitəsinin sədri Zaza Lominadze və Gürcüstanın Cenevrədə BMT bölməsi və digər beynəlxalq təşkilatlar yanında daimi nümayəndəsi Aleksandre Maisuradze iştirak ediblər.