Gürcüstanın səhiyyə naziri Mixeil Sarjveladzenin sözlərinə görə, patriarx reanimasiya şöbəsində qalır, vəziyyət hələ də çox ağır və diqqət tələb edir.

Nazirin sözlərinə görə, hazırda ən vacib məsələ həyati əhəmiyyətli parametrlərin sabit saxlanılmasıdır:

“Vəziyyət hələ də çox ağır və olduqca diqqət tələb edir, xüsusilə də hemodinamikanın sabitləşdirilməsinə qədər hələ uzun yol var. Bu mərhələdə əsas məsələ həyati vacib parametrlərin stabil saxlanılmasıdır ki, bu da hazırda dərman vasitələri ilə təmin olunur. Təbii ki, pasiyent intensiv nəzarət altındadır. Müşahidə davam edir və onun sağlamlığı üçün zəruri olan bütün həyati vacib parametrlərin mümkün qədər tez bərpası üçün hər şey edilir.

Hazırda o, reanimasiya şöbəsində qalır. Vəziyyət mədədə olan xoralı patologiya ilə bağlıdır və bu da qanaxmaya səbəb olub. Müvafiq olaraq, dərhal müdaxilə edilib və nəticədə qanaxma dayandırılıb. Bu mərhələdə reanimasion tədbirlər ən vacibdir. Xüsusi diqqət və nəzarət davam edir və patriarxın sağlamlığı üçün vacib olan bütün funksiyaların mümkün qədər tez bərpası üçün hər şey edilir. Tibbi müdaxilələr aparılıb və qanaxmanın qarşısı alınıb”, – deyə Sarjveladze bildirib.

Səhhətinin pisləşməsi səbəbindən bütün Gürcüstanın katolikos-patriarxı İlya II Qafqaz Tibb Mərkəzinə yerləşdirilib və həkimlərin nəzarəti altındadır.