Gürcüstanın səhiyyə naziri Mixeil Sarcveladze hökumətin iclasından sonra keçirilən brifinqdə əvəzedici terapiya sisteminin islahatından danışıb.

Sarcveladze özəl əvəzedici terapiya sistemindəki çatışmazlıqlara diqqət yönəldib, konkret misallar çəkib və islahatın başlanmasının düzgün olduğunu qeyd edib.

“İlk növbədə, əvəzedici terapiya sisteminin yenilənməsi ilə bağlı olan cari islahat tamamilə düzgün planlaşdırılıb. Baş nazir islahat prosesində aydın şəkildə üzə çıxan nöqsanlardan danışdı. Bildiyiniz üzrə, uzun müddət əvvəl deyil, cari ilin avqustun 15-də özəl əvəzedici terapiya sisteminin ləğvini və dövlət strukturları tərəfindən bu xidmətin göstərilməsinin davam etdirilməsini nəzərdə tutan islahatın birinci mərhələsi başa çatdı. Bu mühüm addım idi. Hətta çılpaq gözlə belə, özəl əvəzedici sistemi müşayiət edən pisliklər çox yaxşı görünür. Məsələn, eyni şəxs tərəfindən eyni vaxtda müxtəlif özəl əvəzedici məntəqələrdə xidmət görməsi ilə əlaqədar təcrübə aşkarlandı. Bu o deməkdir ki, benefisiar nəzarətdən kənarda qalır.

Konkret şəxsin əvəzedici terapiyanın dövlət sisteminə keçməsindən sonra, ilk gündən onun üçün əvvəllər təyin edilmiş dozanın üç dəfə azaldılmasını tələb edən yüzlərlə insanı müəyyən etdik. Xüsusilə, gündəlik qəbulu üçün təyin olunan 24 milliqramdan cəmi 8 milliqram istifadə etməyə razılaşdı. Düşünürəm ki, cəmiyyət bu pisliklərin nəyə xidmət edə biləcəyinə dair izah tapmağı özü yaxşı bacarır” – Sarcveladze bildirib.

Mixeil Sarcveladze bildirib ki, narkotik vasitələrin müəssisələrdən kənara çıxarılması cəhdləri qeydə alınır və dövlət buna sərt reaksiya verir.

“Əksər hallarda dövlət strukturlarına keçmiş şəxslər tərəfindən narkotik vasitələrin çıxarılması cəhdləri qeydə alınır. Sistem bu istiqamətdə mümkün qədər maksimal təzyiq olması üçün hazırdır. Təbii ki, belə hallar üzə çıxarılır və biz heç bir belə hadisənin qeydə alınmamasına çalışacağıq. Belə bir cəhdin qeydə alınacağı təqdirdə, reaksiya sərt olacaq. Heç bir dövlət müəssisəsi bununla barışmayacaq” – Sarcveladze bildirib.

Sarcveladzenin brifinqdə qeyd etdiyi kimi, əvəzedici terapiyanın mümkün qədər nəticəyönümlü olması üçün islahatın növbəti mərhələləri də fəal şəkildə davam edir.

“Bundan əvvəl mövcud təcrübəyə əsasən, özəl əvəzedici sistem tamamilə narkotiklərin qanuni təminatına yönəlmişdi. Biz bu yanaşmanı tamamilə dəyişdirməliyik və sağalma effektinin mümkün qədər yüksək olmasına diqqəti yönəltməliyik. Bu uzunmüddətli remissiya hallarının artması, bu çıxış yoluna daha çox fokuslanma deməkdir. Təəssüf ki, yanaşma konkret benefisiarların halında, dozaların artırılması idi, ümumi rəqəmlərdə də belə idi. Yaxşı çıxış yolu ilə başa çatmış müalicə halları kritik dərəcədə az idi və ya bəzi müəssisələrdə ümumiyyətlə yox idi. Bu yanaşmanı da dəyişəcəyik” – səhiyyə naziri bildirib.