Mixeil Saakaşvili – “Milli Hərəkat”ın sədrliyinə namizədim Nanuka Jorjolianidir

İyul ayında partiyadakı bütün vəzifəli şəxslərin səlahiyyət müddəti başa çatır. Sədr seçkilərinin rejimin müdaxiləsini istisna edən bir formatda keçirilməsi mütləqdir. Mənim sədrliyə namizədim Nanuka Jorjolianidir – bu barədə Gürcüstanın sabiq prezidenti Mixeil Saakaşvili sosial şəbəkədə yazır.

Saakaşvilinin yazdığı kimi, Nanuka Jorjoliani qalib gələcəyi təqdirdə partiyanın nüvəsi ilə birlikdə islahatlar aparacaq.

“Vahid Milli Hərəkat”da dəyişikliklərə gəlincə – bu dəyişikliklər kosmetik deyil, köklü olacaq. Partiyanı nəinki canlandırmaq, həm də onu 2003-cü ildəkindən daha yaxşı formaya salmaq lazımdır.

İyul ayında partiyadakı bütün vəzifəli şəxslərin səlahiyyət müddəti başa çatır. Sədr seçkilərinin rejimin müdaxiləsini istisna edən bir formatda keçirilməsi mütləqdir. Mənim sədrliyə namizədim Nanuka Jorjolianidir, bu çağırışın öhdəsindən gəlmək üçün onun təcrübəsi, enerjisi və baxışı var. Eyni zamanda, islahat arzusu və baxışı olan hər kəsi seçki prosesinə qoşulmağa dəvət edirəm. Həmçinin seçkilərdə hər kəs iştirak edə biləcək və bu, baxışların yarışı olmalıdır.

Nanuka qalib gələcəyi təqdirdə, həm veteranlar, həm də yenilərlə birlikdə partiyanın nüvəsi ilə birlikdə islahatlar aparacaq. Bütün bu məsələlərdə onlara tam etibar edirəm. Digər partiyaların əksəriyyətindən fərqli olaraq, VMH nə biznes layihəsidir, nə də tək bir insan tərəfindən idarə olunan partiyadır. O, çoxsaylı xalq bazası ilə aşağıdan yuxarıya doğru idarə olunur və bu tərəfdarların mövqeyi bizim üçün həlledicidir. Bütün bunlar, xüsusən də mənim, Xabenin, İrakli Nadiradzenin və digər liderlərin həbsdə olduğu bir şəraitdə zəruri və təxirəsalınmazdır. Bizim və Gürcüstanın qələbəsi qaçılmazdır” – Saakaşvili yazır.