Gürcüstanın prezidenti Mixeil Qavelashvili bəyan edib ki, müxalifət liderlərinin bir neçəsinin əfv olunması ilə bağlı onun təklifi hələ də qüvvədədir.

Qavelashvilinin sözlərinə görə, “bu, onlara imkan verir ki, seçkilərdə vətəndaşlara öz şanslarını göstərsinlər, o vətəndaşlara ki, onları hakimiyyətdəkilərdən daha yaxşı alternativ kimi görməyə çalışırlar”.

“O zaman ki, bizə alternativ, sağlam fikir lazımdır, bu fikir müxalifətdən gəlməlidir. Müxalifətin fəaliyyəti bu məqsədə xidmət etməlidir – cəmiyyətə hökumətdən daha yaxşı bir şey təklif etmək, vətəndaşlara daha yaxşı təqdim olunmaq ki, onların hakimiyyətə gəlmək üçün şansı olsun. Əgər hakimiyyət nəyisə edirsə, müxalifət vətəndaşları inandırmalıdır ki, onlar bunu daha yaxşı bacarırlar. Amma təəssüf ki, bizdə belə bir müxalifət yoxdur – onlar ziyanvericiliklə məşğuldurlar. Bu halda mən dövlətçilik baxımından addım atdım, çünki bir neçə siyasi partiya qərara gəldi ki, yerli özünüidarəetmə seçkilərində iştirak etsin. Onların bunu bilərəkdən edib qanunu pozmaları səbəbilə dövlət fərq qoymadan hərəkət etməliydi – cinayətkar cəzalandırılmalı idi və onlar həbs olundular.

Bir daha deyirəm, bu, xoş niyyətdir. Bu, siyasi bir aktdır, məqsəd budur ki, özlərini vətəndaşlara daha yaxşı alternativ kimi təqdim edənlərə növbəti bir şans göstərilsin – seçkilərdə tam şəkildə iştirak etmək imkanı. Bu bir fürsətdir, əgər ondan istifadə etsələr. Mənim tərəfimdən bu təklif əlbəttə ki, qüvvədə qalır”, – deyə Mixeil Qavelashvili bildirib.