Gürcüstanın prezidenti Mixeil Qavelashvili BMT Baş Assambleyasının 80-ci sessiyasının ümumi debatlarının açılışında iştirak edib.

Debatlar BMT baş katibinin və Baş Assambleyanın 80-ci sessiyasının prezidentinin çıxışları ilə açılıb. Tədbirdə sessiyanın iştirakçılarına Braziliya prezidenti Luiz İnasiu Lula da Silva, Amerika Birləşmiş Ştatlarının prezidenti Donald Tramp, İndoneziya prezidenti Prabovo Subianto, Türkiyə Respublikasının prezidenti Rəcəb Tayyib Ərdoğan və digər dövlət başçıları da müraciət ediblər.

BMT Baş Assambleyasının 80-ci sessiyasının mövzusu belədir – “Birlikdə daha yaxşı: 80 il və daha çox sülh, inkişaf və insan hüquqları naminə”.

Ümumi debatların açılışında Gürcüstan prezidentilə birlikdə iştirak ediblər: xarici işlər naziri Maka Boçorişvili, işğal olunmuş ərazilərdən məcburi köçkünlərin, əmək, səhiyyə və sosial müdafiə naziri Mixeil Sarcveladze, Gürcüstanın BMT yanında daimi nümayəndəsi David Bakradze, Gürcüstanın ABŞ-dakı səfiri Tamar Taliaşvili və Prezident Administrasiyasının rəhbəri.

Nyu-Yorka səfəri çərçivəsində Mixeil Qavelashvili BMT Baş Assambleyasının 80-ci sessiyasında çıxış edəcək. Gürcüstan prezidenti ABŞ prezidenti Donald Trampın dəvəti ilə ABŞ prezidenti və onun həyat yoldaşı Melania Trampın adından sessiyanın iştirakçısı olan nümayəndə heyətlərinin rəhbərlərinin şərəfinə təşkil olunacaq rəsmi qəbulda da iştirak edəcək.

Səfər çərçivəsində Gürcüstan prezidenti yüksək səviyyəli ikitərəfli görüşlər keçirəcək, o cümlədən Mixeil Qavelashvili ilə BMT baş katibi Antonio Quterreşin görüşü də planlaşdırılır.