Mixeil Ğavelaşvili Roma Papasının dünyasını dəyişməsi ilə əlaqədar hüznünü bildirir - Papa Fransisk dünya tarixində ləyaqət, təvazökarlıq və mərhəmət rəmzi kimi əbədi olaraq qalacaq

15:06, 21.04.2025

Gürcüstan Prezidenti Mixeil Ğavelaşvili Roma Papasının dünyasını dəyişməsi ilə əlaqədar hüznünü bildirir.

“Gürcü xalqı adından Müqəddəs Taxt-taca, Katolik Kilsəsinə və bütün dünyada milyonlarla möminə başsağlığı verirəm.

Roma Papası Fransisk dünya tarixində ləyaqət, təvazökarlıq və mərhəmət rəmzi kimi – insanları ilhamlandıran və imanla dolduran sülh və birliyin təbliğçisi kimi əbədi olaraq qalacaq.

Onun qətiyyəti, dönməz sədaqəti və ədaləti gələcək nəsillər üçün ilham mənbəyi olacaq.

Onun adı və töhfəsi əbədiyyətə qədər yaşayacaq!” – Mixeil Ğavelaşvili sosial şəbəkədə yazır.

Müəllif - Sevinj Mustafaeva

Siyasət