Sabah, fevralın 4-də parlamentin yaz sessiyası açılacaq və prezidenti dinləyəcəklər. Bu haqda Gürcüstan Parlamentinin sədri Şalva Papuaşvili parlamentin bürosunun iclasında bildirib.

“Reqlamentə əsasən, yaz sessiyasının ilk günü prezidentin ölkənin vəziyyətinin ən mühüm məsələlərinə dair illik məruzəsi olur və biz sabah yaz sessiyasını belə açacağıq. Bildiyiniz kimi, həmin gün prezidentin məruzəsi ilə birlikdə başqa məsələlər müzakirə olunmur. Ona görə də sabah bizim yalnız bir məsələmiz olacaq, prezidentin məruzəsi, daha sonra çərşənbə və cümə axşamı qanunvericilik prosesi. Qanun layihələrinin müzakirəsi və digər məsələlər. Görək sessiya həftəmiz nə qədər intensiv olacaq. Güman edirəm ki, cümə günü sessiya üçün bizə lazım olmaya bilər, lakin görək işləməyə necə davam edəcəyik” – Şalva Papuaşvili bildirib.