Müasir dünyanın ən böyük çağırışları fonunda yaxşı dərk etməliyik ki, müstəqillik birdəfəlik və həmişəlik verilmiş reallıq deyil, müstəqillik hər gün qazanılması və qorunması lazım olan dəyərdir, bu da bizdən böyük səy tələb edir və üzərimizə ölçüyəgəlməz məsuliyyət qoyur – bu barədə Gürcüstan Prezidenti Mixeil Ğavelaşvili Gürcüstanın Müstəqillik Gününə həsr olunmuş təntənəli tədbirdə çıxışı zamanı deyib.

Gürcüstan Prezidentinin bəyanatına əsasən, müstəqillik uğrunda mübarizə aparan hər bir qəhrəmanı daim xatırlamalı, ehtiram göstərməli, onların nailiyyətlərini qorumalı, müdafiə etməli və möhkəmləndirməliyik.

“Müstəqillik Günü bizə daha qətiyyətli, həmrəy olmağı və Gürcüstanın gələcəyinin necə olacağını yalnız öz ölkəmizin maraqlarından çıxış edərək müəyyənləşdirməyi xatırladır.

Müstəqillik uğrunda mübarizə aparan hər bir qəhrəmanı daim xatırlamalı, ehtiram göstərməli, onların nailiyyətlərini qorumalı, müdafiə etməli və möhkəmləndirməliyik; abxaz və osetin bacı-qardaşlarımızla birlikdə vahid, inkişaf etmiş Gürcüstan qurmaq və övladlarımıza çox daha güclü, qətiyyətli və azad dövlət qoymaq üçün hər şeyi etməliyik!

Bizim gələcək nəslə müraciət etmək istərdim: Siz bu ölkənin sabahısınız. Sizin enerjiniz ölkəmizin inkişafı üçün ən böyük hərəkətverici qüvvədir. Tanrı, vətən, insan, dil, yurd, inanc, ailənin müqəddəsliyi – varlığımızı müəyyən edən əbədi dəyərlər bunlardır.

Vətənimizin əbədiyaşar olması üçün məhz bu ideallara əsaslanaraq öz amalınızda ən yaxşı olmalısınız” – Gürcüstan Prezidenti bildirib.