Amerika Birləşmiş Ştatlarının Prezidenti Donald Trampın adından təşkil olunmuş şam yeməyində Gürcüstan Prezidenti Mixeil Ğavelaşvili ABŞ-nin ticarət katibi Hovard Lutniklə görüşüb.

Mixeil Ğavelaşvilinin sosial şəbəkədə yazdığı kimi, hazırkı administrasiyanın Gürcüstana münasibətdə susqunluğunun cəmiyyətdə sual işarəsi yaratması ilə bağlı gürcü xalqının mesajını ABŞ-nin ticarət katibinə çatdırıb.

“Amerika Birləşmiş Ştatlarının Prezidenti Donald Trampın adından təşkil olunmuş şam yeməyində ABŞ-nin ticarət katibi Hovard Lutniklə görüşdüm. Aramızdakı ünsiyyət mehriban idi.

Hazırkı administrasiyanın Gürcüstana münasibətdə susqunluğunun cəmiyyətimizdə sual işarəsi yaratması ilə bağlı gürcü xalqının mesajını ona çatdırdım. Üstəlik, hakimiyyətimiz və Donald Tramp administrasiyasının fundamental məsələlərdə dəyərlər baxımından uyğunluğunun olması fonunda.

Hovard Lutnik mənə fikirlərimi mütləq administrasiya üzvləri ilə bölüşəcəyini dedi” – Mixeil Ğavelaşvili yazır.