Mixeil Ğavelaşvili Gürcüstanın Meksika Birləşmiş Ştatlarına yeni təyin olunmuş fövqəladə və səlahiyyətli səfiri Natalia Kordzaia ilə görüşüb

Gürcüstan Prezidenti Mixeil Ğavelaşvili Gürcüstanın Meksika Birləşmiş Ştatlarına yeni təyin olunmuş fövqəladə və səlahiyyətli səfiri Natalia Kordzaia ilə görüşüb. Prezident onu diplomatik missiyasının başlaması münasibətilə təbrik edib və gələcək fəaliyyətində uğurlar arzulayıb.

Prezident Administrasiyasının məlumatında, görüşdə Gürcüstan və Meksika arasında əməkdaşlığın daha da dərinləşdirilməsi perspektivlərinə diqqət ayrıldığı deyilir. Qeyd olunub ki, səfirin fəaliyyəti iki ölkə arasında siyasi dialoqun, iqtisadi əməkdaşlığın, həmçinin mədəni və xalqlararası əlaqələrin daha da inkişafına kömək edəcək.

Mixeil Ğavelaşvili yeni təyin olunmuş səfirə Gürcüstanın milli maraqlarını ləyaqətlə təmsil etməyi və ölkənin xarici siyasət prioritetlərini səmərəli şəkildə həyata keçirməyi arzulayıb.