Hər bir oyunçunun hər şeydən əvvəl öz strateji maraqlarını rəhbər tutduğu dünyada mövcud proqnozlaşdırıla bilinməyən vəziyyəti nəzərə almaqla, ölkəmizin milli maraqlarını sonadək qorumağımız və qayğısına qalmağımız vacibdir – bu haqda Gürcüstan Prezidenti Mixeil Ğavelaşvili parlamentdə məruzə ilə çıxış edərkən deyib.

Onun qeyd etdiyi kimi, Gürcüstanın praqmatik və çoxvektorlu xarici siyasətinin mahiyyəti əmin-amanlığın və müstəqilliyin qorunmasıdır.

“Praqmatik və çoxvektorlu xarici siyasətimizin mahiyyəti əmin-amanlığın və müstəqilliyin qorunmasıdır. Gürcüstan sülh siyasəti yürüdür və bunu əməllərimizlə sübut etmişik, bu da təkcə ölkəmiz üçün deyil, həm də bütün regionun təhlükəsizliyi üçün fundamental əhəmiyyətə malikdir. Mövcud beynəlxalq vəziyyəti nəzərə almaqla, səmərəli hərəkət etsək, Gürcüstanı beynəlxalq layihələrin həyata keçirilməsi üçün əsas ölkəyə çevirə bilərik; Asiya, Avropa və Yaxın Şərqin iqtisadi inteqrasiyasına kömək edə bilərik, Cənubi Qafqazın regional mərkəz statusunu möhkəmləndirə və tərəfdaşımız olan ölkələrlə əlaqəmizi daha da gücləndirə bilərik. Bu baxımdan, hökumət tərəfindən 2025-ci ildə mühüm addımlar atılıb. Buradaca qonşu ölkələrlə münasibətləri daha da dərinləşdirmək və regionda əmin-amanlığı möhkəmləndirmək məqsədi daşıyan Ermənistan, Azərbaycan və Türkiyəyə səfərlərimi qeyd etmək istərdim.

Serbiyaya dostcasına və işgüzar səfərimi ayrıca qeyd edərdim. Həmçinin, bir neçə gün əvvəl Xorvatiya Prezidenti bizi ziyarət etdi və onunla da dostcasına və işgüzar münasibətlər qurduq. Bu cür əməkdaşlıq gələcək münasibətlər üçün yeni perspektivlər yaradır.

Amerika Birləşmiş Ştatlarına – BMT-yə səfər çox vacib oldu. Biz bu platformadan da əsas deyəcəyimizi bir daha vurğulamaq üçün istifadə etdik – Gürcüstan suverenliyə, qarşılıqlı maraqlara və faydalılığa əsaslanan sıx münasibətlərə tam hazır olduğunu bildirir” – Mixeil Ğavelaşvili bildirib.

Prezidentin sözlərinə əsasən, xarici siyasətdən danışarkən Gürcüstanın Avropa İttifaqı və ABŞ ilə münasibətləri vacibdir.

“Xarici siyasət haqqında danışarkən, əlbəttə, Avropa İttifaqı və Amerika Birləşmiş Ştatları ilə münasibətlərimiz vacibdir. Xüsusilə Ukraynada müharibənin başlamasından sonra avropalı bürokratiyanın ölkəmizin daxili işlərinə kobud şəkildə müdaxilə etməsi və ikili standartları rəhbər tutması heç kim üçün yenilik deyil. Görünür, onlar Gürcüstanın suveren, müstəqil dövlət olmasına alışmaqda hələ də çətinlik çəkirlər. Onlar ölkəmizi öz geosiyasi layihələrinin bir hissəsi kimi qəbul edirlər və bu layihə çərçivəsində də Gürcüstan onların qarşıya qoyduqları konkret məqsədləri yerinə yetirməlidir. Onlar Gürcüstanın müstəqil, suveren və ləyaqətli dövlət olmasına alışmalı olacaqlar.

Amerika Birləşmiş Ştatlarına gəlincə, tərəfimizdən strateji tərəfdaşlığı bərpa etməyə və münasibətləri təmiz səhifədən başlamağa tam hazır olduğumuz dilə gətirilib, bu isə hər iki ölkənin maraqlarının ətraflı şəkildə yazılacağı “Tərəfdaşlığın Yol Xəritəsi” təklifində ifadə olunub. Baxışlarımız arasında bir çox sahələrdə uyğunluq olması bir faktdır, müvafiq olaraq, hadisələrin necə inkişaf edəcəyini diqqətlə müşahidə edəcəyik, üstəlik dünyada bu gün mövcud mürəkkəb və proqnozlaşdırıla bilinməyən geosiyasi vəziyyəti nəzərə almaqla” – Gürcüstan Prezidenti bildirib.