Novruz bayramı münasibətilə sizi təbrik edirəm. Ənənələrin, rəngarəngliyin və bayramların çox önəmli olduğu bir ölkədə yaşadığımız üçün şadam – bu haqda Gürcüstan Prezidenti Mixeil Ğavelaşvili Marneulidə Novruz bayramına həsr olunmuş tədbirdə çıxışı zamanı bildirib.

O deyib ki, bu gün yeni enerjinin, yeni ilin və yeni həyatın başlanğıc günüdür.

“Bu möhtəşəm bayram münasibətilə sizi təbrik edirəm, yazın bərabərliyi və qədim ənənəvi xalq bayramını qeyd edən bütün vətəndaşları təbrik edirəm. Ənənələrin, rəngarəngliyin və bayramların çox önəmli olduğu bir ölkədə yaşadığımız üçün şadam. Əsrlərdir ki, biz birgə yol qət edirik, bu qarşılıqlı hörmət bugünkü bayramla birlikdə daha da möhtəşəm olacaq. Bu gün yeni enerjinin, yeni ilin və yeni həyatın başlanğıc günüdür. İstəyirəm ki, hər birimiz daha da enerjili, həyat dolu olaq, bir-birimizə hörmətlə, sevgi ilə və sevinc ilə yanaşaq və sevimli ölkəmizə, Gürcüstana daha çox töhfə verək. Əminəm ki, bizim əlaqələrimiz daha da aydın və daha böyük olacaq. Prezident kimi hər birinizi bugünkü bayram münasibətilə təbrik etmək və ölkəmizi daha da gücləndirmək üçün hamınızın yanında olacağıma söz vermək şərəfinə nail oldum, ailələrimiz daha da güclü olacaq, çünki bizim ölkəmiz ən güclü, ən gözəl və ən yaxşı ölkəyə çevrilməlidir. Təbrik edirəm və sizə uğurlar arzulayıram” – Gürcüstan Prezidenti bildirib.