Gürcüstan Prezidenti Mixeil Ğavelaşvili Azərbaycan Respublikası Milli Məclisinin sədri Sahibə Qafarova ilə görüş keçirib. Prezident Orbelianebi sarayında Azərbaycan nümayəndə heyətinin üzvlərini qəbul edib.

Tərəflər görüş zamanı iki ölkə arasında mövcud olan tarixən möhkəm dostluq əlaqələrindən danışıblar və Gürcüstan-Azərbaycan strateji tərəfdaşlığının əsas istiqamətlərini müzakirə ediblər. Ölkələr arasında müxtəlif beynəlxalq və regional formatlarda uğurlu əməkdaşlığın əhəmiyyəti vurğulanıb.

Həmçinin, Cənubi Qafqaz regionunda cərəyan edən hadisələrə toxunulub. Mixeil Ğavelaşvili bildirib ki, Gürcüstan Cənubi Qafqazda sülh və sabitliyi dəstəkləyir və bu prosesə töhfə verməyə davam etməyə hazırdır.

Həmçinin, görüşdə Gürcüstan, Azərbaycan və Türkiyə arasında üçtərəfli əməkdaşlığa diqqət yetirilib.

Gürcüstan Prezidenti Azərbaycan tərəfinə Gürcüstanın suverenliyi və ərazi bütövlüyünə göstərdiyi sarsılmaz dəstəyə görə təşəkkür edib.

Məlumatı Gürcüstan Prezidentinin mətbuat xidməti yayır.