Biz “Qlobal Müharibə Partiyası”na, Rusiyaya qarşı nəhəng koalisiya yaratmalıyıq. Bu, bizim nə üçün Gürcüstanda olmağımızın əsas vəzifələrindən biridir – bu haqda Almaniya Bundestaqının Xarici İşlər Komitəsinin sədri Mixail Rot Salome Zurabişvili ilə görüşdən sonra Prezident Administrasiyasında keçirilən mətbuat konfransında deyib.

Bununla yanaşı, Mixail Rot bildirib ki, Gürcüstanın bir çox vətəndaşı tamamilə haqlı olaraq müharibə və təcavüzdən qorxur.

“Aydındır ki, müxalifət Gürcüstanın bir çox vətəndaşının müharibə və təcavüzdən tamamilə haqlı olaraq qorxması, “Qlobal Müharibə Partiyasının mövcudluğu” faktını qətiyyən müvafiq şəkildə qiymətləndirməyib. “Qlobal Müharibə Partiyası mövcuddur” və bu, Rusiyadır. İnsanların özlərini müdafiəsiz hiss etdiklərini tam başa düşürəm, xüsusən də sizin ölkənizdə, çünki ərazilərinizin 20 faizi Rusiyanın işğalı altındadır. Bu, böyük məyusluqdur.

Biz almanlar, fransızlar və hamı Avropada 2008-ci ildə gözlərimizi yumduq, dost və müttəfiqlər kimi uzaq idik, amma səhvlərimizdən dərs çıxarmağa çalışdıq. Bu səbəbdən bizə bir az səbrli davranmalıdırlar, bəzən dönüş nöqtəsinə çatmaq üçün vaxt lazımdır. Almaniyada biz buna tarixi an deyirik. Biz sizin cəmiyyətinizdə bu narahatlıqları çox ciddi qəbul etməliyik. Müharibə tam bir fəlakətdir və biz bu barədə danışmalıyıq. Biz “Qlobal Müharibə Partiyası”na, Rusiyaya qarşı nəhəng koalisiya yaratmalıyıq. Bu, bizim nə üçün burada olmağımızın əsas vəzifələrindən biridir. Qoşulsanız hamınızı salamlayacağıq” – Mixail Rot bildirib.

Sinxron tərcüməyə əsasən hazırlanıb.