Ukrayna Prezident Ofisinin rəhbərinin müşaviri Mixail Podolyak bildirir ki, Ukrayna havada atəşkəs rejimini nəzərdən keçirməyə hazırdır. O, bu barədə İtaliya mediasına müsahibəsində bildirib.

O bildirib ki, Ukrayna hakimiyyəti sülh danışıqlarının ilkin mərhələsi kimi havada atəşkəs rejimini nəzərdən keçirməyə hazırdır.

“Ukrayna bu ssenarini real danışıqlar üçün başlanğıc nöqtəsi kimi nəzərdən keçirməyə hazırdır, çünki istənilən atəşkəs, xüsusən də ümumi atəşkəs dialoqun aparıla biləcəyi başlanğıc nöqtəsidir” – Podolyak bildirib.

Bununla yanaşı, Podolyakın qeyd etdiyi kimi, o, Rusiyanın strateji aviasiya və dronların kütləvi istifadəsindən imtina etməsini çətin hesab edir.

“Aviasiya bombardmanları Moskvanın Ukraynaya psixoloji təzyiq göstərdiyi və bizim mövqeyimizə təsir etdiyi əsas vasitədir” – Ukrayna Prezidentinin Ofisinin rəhbərinin müşaviri deyib.