Gürcüstanın Daxili İşlər Nazirliyinin Miqrasiya Departamenti və nazirliyin aidiyyəti strukturlarının sıx koordinasiyası ilə son günlərdə keçirilən kompleks tədbirlər çərçində Gürcüstandan 25 xarici vətəndaşın çıxarılması həyata keçirilib.

Ölkədən çıxarılmış şəxslər bunlardır: Azərbaycan, Misir, Türkiyə, Hindistan, İordaniya, İran, Nigeriya, Pakistan, Rusiya, Ermənistan və Çin vətəndaşları – ümumilikdə 25 nəfər. Mövcud qanunvericiliyə uyğun olaraq, çıxarılmış şəxslərə Gürcüstana giriş qadağası qoyulub.

Gürcüstanın Daxili İşlər Nazirliyinin Miqrasiya Departamenti ölkə daxilində qeyri-qanuni miqrasiyaya qarşı mübarizəyə cavabdeh qurumdur. Onun səlahiyyətlərindən biri Gürcüstanda hüquqi əsas olmadan yaşayan xarici vətəndaşların müəyyən edilməsi və onların ölkədən çıxarılmasıdır.