Gürcüstanın Daxili İşlər Nazirliyinin Miqrasiya Departamentinin əməkdaşları nazirliyin müvafiq bölmələri ilə sıx koordinasiya ilə son günlər ərzində keçirilən tədbirlər nəticəsində 101 xarici ölkə vətəndaşını Gürcüstandan çıxarıblar.

Daxili İşlər Nazirliyinin məlumatına əsasən, Miqrasiya Departamenti tərəfindən keçirilmiş kompleks tədbirlər nəticəsində ölkədən çıxarılıb: Türkmənistan, Hindistan, Türkiyə, İraq, Azərbaycan, Rusiya, Özbəkistan, Nigeriya, Banqladeş, İordaniya, Keniya, Sudan, Belarus, Uqanda, Nepal, Pakistan, Filippin, Qırğızıstan, Zimbabve, Livan və digər dövlətlərin – ümumilikdə 101 vətəndaşı.

“Qeyd edilməlidir ki, cari ilin ilk dörd ayının göstəricilərinə əsasən, Miqrasiya Departamentinin əməkdaşları ölkədən demək olar ki, əvvəlki ilin bütün dövrü ilə eyni sayda qanunsuz əcnəbini çıxarıblar. Xatırladaq ki, intensiv rejimdə keçirilən kompleks tədbirlər nəticəsində 2025-ci ildə Miqrasiya Departamentinin əməkdaşları Gürcüstandan ümumilikdə 1311 xarici ölkə vətəndaşını çıxarıblar.

Mövcud qanunvericiliyə uyğun olaraq, ölkədən çıxarılan şəxslərin ölkəyə girişinə qadağa tətbiq olunub” – Daxili İşlər Nazirliyinin məlumatında qeyd olunub.