Gürcüstan hökumətinin Gürcüstanı Avropa ilə daha çox inteqrasiyadan uzaqlaşdıran addımlarından narahatıq, biz gürcü xalqının tərəfindəyik – bu haqda ABŞ Dövlət Departamentinin mətbuat katibi Metyu Miller brifinqdə bildirib.

“Sanksiyaları bu tribunadan elan etmədiyimizi bilirsiniz.
Sanksiyalarla bağlı deyəcək sözümüz olan kimi onu deyirik. Gürcüstan hökumətinin rəsmi şəxslərinə sanksiyalar tətbiq etdiyimizi artıq gördünüz. Viza məhdudiyyətləri tətbiq etdiyimizi və hökumətə 95 milyon dolların ayrılmasının dayandırılması da daxil olmaqla digər tədbirləri də gördünüz. Biz açıq şəkildə dedik ki, Gürcüstan hökumətinin atdığı və Gürcüstanı bildiyimiz kimi gürcü xalqının dəstəklədiyi Avropa ilə daha çox inteqrasiyadan uzaqlaşdıran addımlarından narahatıq” – Miller bildirib.

Jurnalist Aleks Raufoğlu Millerə sual verib – “ABŞ Gürcüstanla strateji tərəfdaşlığı dayandırdı və sanksiyalar tətbiq etmədi, Amerika Birləşmiş Ştatları kimin tərəfindədir?” – Miller buna belə cavab verib: “Biz gürcü xalqının tərəfindəyik”.