Mətbuatda yayılan məlumata görə, oktyabrın 8-də Misirdə İsrail və “Həmas” arasında keçirilən danışıqlara Stiv Uitkof və Cared Kuşner qoşulacaqlar

Misirdə İsrail və “Həmas” arasında aparılan sülh danışıqlarının birinci raundu başa çatıb.

Qısa fasilədən sonra tərəflər yerli vaxtla saat 19:00-da danışıqları bərpa edəcəklər və beş əsas məsələni müzakirə edəcəklər. Bu məsələlərə daxildir: müharibənin dayandırılması, israilli girovların və fələstinli məhbusların azad olunması, İsrail qüvvələrinin Qəzza zolağından çıxarılması, humanitar yardımın təmin edilməsi və Qəzza zolağının müharibədən sonrakı idarəçiliyi.

Həmçinin məlum olub ki, oktyabrın 8-də danışıqlara ABŞ prezidentinin xüsusi nümayəndəsi Stiv Uitkof və Donald Trampın kürəkəni Cared Kuşner də qoşulacaqlar.