Mərkəzi Seçki Komissiyası bu gün keçirilən iclasda Tbilisi meri və şəhər məclisinin seçkilərinin nəticələrini yekunlaşdırıb.

Nəticələrə əsasən, “Gürcü Arzusu”nun namizədi Kaxa Kaladze 215 363 seçicinin 71.627 faiz səsini toplayaraq Tbilisi şəhərinin meri olaraq seçilib.

Tbilisi meri seçkilərində 324 798 seçici iştirak edirdi.

MSK bu gün keçirilən iclasda həmçinin Tbilisi şəhər məclisinin (Sakrebulo) 2025-ci ilin oktyabrın 4-də proporsional seçki sistemi ilə keçirilmiş seçkilərinin nəticələrini yekunlaşdırıb. Yekun protokola əsasən, seçkilərdə iştirak etmiş seçicilərin sayı 325 061 nəfər təşkil edib. Tbilisi şəhər məclisində mandatlar isə aşağıdakı kimi bölüşdürülüb: “Mühafizəkarlar Gürcüstan Naminə” – 1 mandat, “Güclü Gürcüstan–Lelo” – 2 mandat, “Qirçi’ – 2 mandat, “Gürcü Arzusu” – 20 mandat. Majoritar sistemlə keçirilən seçkilərin nəticəsində Tbilisi şəhər məclisində 25 mandatın hamısını “Gürcü Arzusu” qazanıb.

MSK sədrinin bu gün keçirilən iclasda qeyd etdiyi kimi, bu, Gürcüstanın qanunvericiliyi ilə müəyyən edilmiş qaydaya, şəffaflığa, açıqlıq və yüksək peşəkarlıq standartlarına tam əməl olunmaqla keçirilən ən irimiqyaslı və mürəkkəb proseslərdən biri idi. Qiorqi Kalandarişvili prosesdə fəal iştirak edən seçicilərə təşəkkür edib və qeyd edib ki, onların iştirakı və etimadı əsas motivasiya və nailiyyətdir. Həmçinin, Seçki Administrasiyası ilə fəal əməkdaşlıq edən bütün qurum və təşkilatlara təşəkkürünü bildirib. Yerli və beynəlxalq müşahidəçilər, seçki subyektləri və medianın iştirakı və müşahidəsinə görə. Həmçinin, dəstəyi və əməkdaşlığı ilə texnologiyalardan istifadə etməklə seçkilər artıq ikinci dəfə uğurla keçirilmiş beynəlxalq təchizatçı “Smartmatic” şirkətinə.

Həmçinin, Dairə Seçki Komissiyaları seçkilərin nəticələrini ölkə miqyasında yekunlaşdırıblar. Yekun protokollara əsasən, şəhər məclisinin üzvü və mer seçilmiş şəxslər barədə məlumatı MSK bugünkü iclasında rəsmi şəkildə qəbul edib. Ətraflı məlumat və yekun protokollar MSK-nın veb-səhifəsinə yerləşdirilib.

Qanunvericiliyə uyğun olaraq, yeni seçilmiş merlərin və şəhər məclisi üzvlərinin səlahiyyəti oktyabrın 29-dan başlayacaq. Bu gün Mərkəzi Seçki Komissiyası fərman qəbul edərək 2025-ci ilin 4 oktyabr seçkiləri nəticəsində seçilmiş munisipalitetlərin nümayəndəlik orqanlarının – şəhər məclislərinin ilk iclaslarını bütün Gürcüstan ərazisində oktyabrın 30-da saat 11:00-da çağırıb. Tbilisidə şəhər məclisinin ilk iclasını MSK sədri Qiorqi Kalandarişvili, regionlarda isə iclasları müvafiq Dairə Seçki Komissiyalarının sədrləri açacaqlar.