Meksikanın Prezidenti Donald Trampa cavab verir – Klaudia Şeynbaum Trampa Amerika Birləşmiş Ştatlarının adının dəyişdirilməsini və ona “Meksika Amerikası” adının qoyulmasını təklif edir

 
Meksikanın Prezidenti Klaudia Şeynbaum Donald Trampın təklifinə cavab olaraq Amerika Birləşmiş Ştatlarının adının dəyişdirilməsini və ona “Meksika Amerikası” adının qoyulmasını təklif edib.

Şeynbaum brifinqdə 1607-ci ilə aid dünya xəritəsini göstərib və qeyd edib ki, “Meksika körfəzi” adı tarixidir və bu addan Amerika Birləşmiş Ştatları qurulmazdan əvvəl istifadə ediblər.

Bununla yanaşı, Şeynbaum zarafatla Amerika Birləşmiş Ştatlarının bir hissəsini “Meksika Amerikası” adlandırıb.

“Niyə “Meksika Amerikası” adlandırmırıq? Gözəl səslənir, elə deyilmi?” – Meksikanın Prezidenti bildirib.

Bununla yanaşı, Şeynbaum qeyd edib ki, hər şeyə baxmayaraq, Trampla “yaxşı münasibət”ə ümid edir.

ABŞ-ın seçilmiş prezidenti Donald Tramp Meksika körfəzinin adını dəyişdirmək və “Amerika körfəzi” adlandırmaq istədiyini bildirib.