Məhkəmənin qərarı ilə Marin Le Penin potensial olaraq 2027-ci ilin seçkilərində iştirak etmək imkanı olacaq, lakin o, elektron qolbaq taxmalı olacaq

Parisin Apellyasiya Məhkəməsi Avropa İttifaqının vəsaitlərinin təyinatından kənar istifadəsi işi üzrə Marin Le Pen barəsində çıxarılmış hökmü qüvvədə saxlayıb, lakin onun seçkilərdə namizədliyini irəli sürməsinə qoyulan qadağa müddətini azaldıb.

Bu qərar Marin Le Penə potensial olaraq 2027-ci ilin prezident seçkilərində iştirak etmək imkanı verir. Məhkəmənin qərarına əsasən, Marin Le Pen üç il müddətinə azadlıqdan məhrum edilib, bu cəzanın iki ili şərti, bir ili isə elektron qolbaq taxmaqla icra olunacaq.

Bununla yanaşı, məhkəmə 100 min avro məbləğində cəriməni də qüvvədə saxlayıb. Medianın yazdığı kimi, qolbaq taxmaq prezidentlik kampaniyası üçün həm siyasi, həm də logistik baxımdan problem yaradacaq. Le Pen özü isə daha əvvəl bəyan etmişdi ki, elektron qolbağla prezident seçkilərində iştirak etmək istəmir.