Tbilisi Şəhər Məhkəməsi “Dəyişiklik Naminə Koalisiyası”nın liderlərindən biri Nika Melianı qanun pozucusu kimi tanıyıb və ona 5 000 lari cərimə kəsib.

Bugünkü prosesdə Lisi gölü yaxınlığında Nika Melianın inzibati qaydada saxlanılması işinə baxıblar.

İclasda Daxili İşlər Nazirliyi iki polisi şahid qismində təqdim edib və onlar Nika Melianın polisləri təhqir etdiyini bildiriblər, Nika Melia bununla razılaşmayıb.

Həmçinin, Melia prosesdə qeyd edib ki, onun saxlanılması tədbirində 50-yə qədər polis iştirak edirdi, məhkəmə iclasında şahid qismində iştirak edən polislər bununla razılaşmayıblar. Onların qeyd etdiyi kimi, Nika Melianın saxlanılması tədbirində üç polis iştirak edirdi.

Nika Melianı mayda saxlayıblar. Daxili İşlər Nazirliyinin məlumatına əsasən, siyasətçi Gürcüstanın İnzibati Xətalar Məcəlləsinin 173-cü maddəsi ilə saxlanılıb, bu isə hüquq-mühafizə orqanı əməkdaşına qarşı sözlü təhqir və ya digər təhqiramiz hərəkətlər törətməyi nəzərdə tutur.