Medianın yazdığına görə, Putinin Yerevana səfəri və Kollektiv Təhlükəsizlik Müqaviləsi Təşkilatının sammiti öncəsi etiraz aksiyası keçirildi

Vladimir Putinin Yerevana səfəri və Kollektiv Təhlükəsizlik Müqaviləsi Təşkilatının sammiti öncəsi etiraz aksiyası keçirildi.

“Azadlıq” radiosunun Ermənistan bürosunun yazdığına görə, aksiyanın təşkilatçısı “Milli Demokratik Qütb” partiyası idi.

Aksiya iştirakçıları – “Rusiya düçməndir!” sözlərini səsləndirirdilər. Aktivistlərin təsdiq etdiyinə görə, Ermənistan-Azərbaycan sərhədində baş verən qarşıdurmalar zamanı, Rusiya və Kollektiv Təhlükəsizlik Müqaviləsi Təşkilatı Ermənistana heç bir köməklik göstərməyib.

Onların dediyinə görə, “qeyri-dost və düşmən ölkələrin liderlərinin səfəri müvafiq etirazla qarşılanmalıdır”.

Müxalifət partiyasının üzvləri sabah da mitinq keçirməyi planlaşdırırlar.

Rusiya prezidenti, Vladimir Putin sabah Yerevana gedir. Bu, 2020-ci ildə bölgədə ikinci Qarabağ müharibəsi başlayandan sonra, Putinin Ermənistana ilk səfəri olacaq.