KİV-in məlumatına görə, Yaponiyada baş verən zəlzələ nəticəsində azı 13 nəfər həlak olub, çox sayda insan isə itkin düşmüş hesab olunur

Yaponiyanın cənub-qərbində baş verən zəlzələ nəticəsində azı 13 nəfər həlak olub, çox sayda insan isə itkin düşmüş hesab olunur. Bu barədə Associated Press agentliyi məlumat yayıb.
Yaponiyanın Baş naziri Sanae Takaichi bildirib ki, hökumət insanların xilas edilməsi üçün əlindən gələni edəcək. O, həlak olanların yaxınlarına başsağlığı verərək dərin hüznlə başsağlığı və həmrəylik ifadə edib.
“Mümkün qədər çox insanı tapmaq və xilas etmək üçün əlimizdən gələni edəcəyik”, – deyə Takaichi bildirib.
Medianın məlumatına görə, zəlzələdən bir gün sonra da yüksək sürətli qatarların hərəkəti və bəzi hava limanlarının fəaliyyəti hələ də dayandırılıb.
Bundan əlavə, Associated Press-in məlumatına əsasən, 9 mindən çox insan evini tərk edərək müvəqqəti sığınacaqlara yerləşdirilib. 37 minə yaxın ailə elektrik enerjisiz qalıb, 9 mindən çox ailəyə qaz verilişi dayandırılıb, bəzi bölgələrdə isə rabitə şəbəkələri işləmir.
Xatırladaq ki, 28 iyul tarixində Yaponiyanın Kumamoto prefekturasında baş verən zəlzələnin gücü 7,1 bal təşkil edib.