İsrail ordusu hücumun yeni dalğasını elan edib və quru əməliyyatı üçün hazırlaşır, Qəzza sakinlərini isə bir daha təxliyəyə çağırır. Bu barədə “Reuters” məlumat yayıb.

Medianın yazdığına görə, İsrail hədələyir ki, əgər “Hamas” son girovları azad etməsə, Qəzzada hərbi hücumlar güclənəcək və anklava “güclü tufan” çökəcək.

“Reuters”-in məlumatına görə, milyonluq şəhərin ələ keçirilməsi təxminən ikiillik müharibənin sona çatdırılmasına yönəlmiş atəşkəs cəhdlərini çətinləşdirir, çünki İsrailin baş naziri və onun tərəfdaşları “Hamas”ın qalan iki dayağının məhv edilməsinə dair planı həyata keçirirlər.

“Reuters” yazır ki, təxliyə əmri Qəzza sakinləri arasında təşviş yaradıb. Vətəndaşların bir hissəsi cənuba köçməyi planlaşdırır, bir hissəsi isə getməkdən imtina edir.