Medianın məlumatına görə, Bolqarıstanda “IGB” qaz kəməri açıldı və bu kəmər vasitəsilə ölkə təbii qazı Azərbaycandan alacaq

Bolqarıstanda “IGB” qaz kəməri açıldı və bu kəmər vasitəsilə ölkə təbii qazı Azərbaycandan alacaq. Məlumatı “Deutsche Welle” yayır.

“Bu gün Bolqarıstanın paytaxtında qaz kəmərinin açılış mərasimi keçirilib və bu mərasimdə Avropa Komissiyasının sədri Ursula fon der Layen də iştirak etdi. O, qaz kəmərinin istismara verilməsini Bolqarıstan və Cənub-Şərqi Avropa üçün yeni eranın başlanğıcı adlandırdı.

“Əvvəllər Bolqarıstan qazının 80 faizini Rusiyadan alırdı. Bu, Rusiya Ukraynaya qarşı bu dəhşətli müharibəyə və Avropaya qarşı enerji müharibəsinə başlamamışdan əvvəl idi. Bu qaz kəməri Bolqarıstan və Avropanın enerji təhlükəsizliyi üçün oyunun dəyişikliyidir”, – Layen bəyan etdi.

Agentliyin yazdığı kimi, qaz kəməri Bolqarıstanın milli qaz şəbəkəsi ilə Yunanıstanın qaz şəbəkəsini birləşdirir. Təbii qaz Azərbaycandan Yunanıstan vasitəsilə Bolqarıstana, oradan isə Serbiya, Şimali Makedoniya, Rumıniya və Macarıstana çatdırılmalıdır. Yeni qaz kəməri vasitəsilə Bolqarıstan hər il bir milyard kubmetr təbii qaz ala biləcək.