Polşanın hərbi qüvvələri hərbi əməliyyatı rəsmən başa çatdırıblar. Onlar gecə ərzində Polşanın hava məkanına daxil olan dronları vurublar.

Hərbi qüvvələr təhlükəsizlik məqsədilə vətəndaşları naməlum obyekt görsələr ona yaxınlaşmamağa və toxunmamağa çağırıblar.

Polşanın hərbi qüvvələrində əməliyyatda NATO və Hollandiya təyyarələrinin iştirak etdiyini izah ediblər. Bununla yanaşı, Polşanın Baş naziri Donald Tusk qeyd edib ki, hava məkanının pozulması haqqında NATO-nun baş katibi Mark Rutteyə artıq məlumat verib.

Bundan əvvəl Polşa Silahlı Qüvvələrində ölkənin hava məkanının misli görünməmiş şəkildə pozulduğunu açıqlamışdılar. Polşa Ordusunun əməliyyat komandanlığının açıqlamasında deyilir ki, “Rusiya Federasiyası tərəfindən Ukrayna ərazisinə hücum nəticəsində Polşanın hava məkanının dron tipli obyektlərlə misli görünməmiş şəkildə pozulması baş verdi”.